Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston Liberal demokratik partiyasidan saylangan deputat M.Mirabdullayev tomonidan bank xodimlari bilan hamkorlikda tumanning “Besh-tut” mahallasida aholi murojaatlarini o‘rganish va ularning ijtimoiy-iqtisodiy muammolariga yechim topish maqsadida sayyor qabul tashkil etildi.

Sayyor qabul davomida fuqarolar tomonidan imtiyozli kreditlar ajratish, tadbirkorlik faoliyatini yo‘lga qo‘yish uchun moliyaviy ko‘mak olish, ipoteka va iste’mol kreditlari, bank xizmatlaridan foydalanish, shuningdek, bandlikni ta’minlash bilan bog‘liq masalalar yuzasidan murojaatlar bildirildi.

Deputat va bank mutaxassislari har bir murojaatni atroflicha o‘rganib, amaldagi qonunchilik hamda bank xizmatlari tartiblari bo‘yicha huquqiy tushuntirishlar berdilar. Ayrim masalalar joyida hal etilgan bo‘lsa, qo‘shimcha o‘rganish talab etiladigan murojaatlar ijrosini ta’minlash yuzasidan mas’ullarga tegishli topshiriqlar berildi.