Xalq deputatlari Chinoz tumani Kengashiga O‘zMTDP partiyasidan 5-Paxtaobod saylov okrugidan saylangan deputat S. Axmedova Kengash ish rejasiga muvofiq tuman hokimligi huzuridagi Xotin-qizlar bo‘limida xotin-qizlar faoliyati samaradorligini yanada oshirish yuzasidan o‘rganish olib bordi.

O‘rganish jarayonida bo‘lim boshlig‘i V. Mansurova bilan suhbat o‘tkazilib, “Ayollar daftari”ga kiritilgan xotin-qizlarga ko‘rsatilayotgan amaliy yordamlar, ularning bandligini ta’minlash, ijtimoiy qo‘llab-quvvatlash hamda oilaviy ajrimlarning oldini olish borasida amalga oshirilayotgan ishlar tahlil qilindi.

Shuningdek, mavjud muammolarni bartaraf etish, xotin-qizlarning jamiyatdagi faolligini oshirish hamda oilalarda sog‘lom ma’naviy muhitni mustahkamlash yuzasidan tegishli taklif va tavsiyalar ishlab chiqildi.