Yoshlar sporti uchun yaratilgan sharoitlar o‘rganildi

Xalq deputatlari Termiz tuman Kengashi deputati R. Shamanov hamda mutaxassis T. Murodov bilan birgalikda Qo‘ng‘irot mahallasida joylashgan 8-sonli umumta’lim maktabida o‘rganish ishlari olib bordi.

O‘rganish davomida aholi, ayniqsa yoshlarning sport bilan muntazam shug‘ullanishlari uchun yaratilgan shart-sharoitlar, mavjud sport inshootlari, sport maydonchalari, maktab sport zali hamda ulardagi sport anjomlarining holati atroflicha ko‘zdan kechirildi. Sport obyektlarining foydalanish darajasi, jihozlarning texnik holati va ularni yangilash bo‘yicha ehtiyojlar tahlil qilindi.

Shuningdek, yoshlarni ommaviy sportga keng jalb etish, bo‘sh vaqtlarini mazmunli tashkil etish, sog‘lom turmush tarzini targ‘ib qilish hamda sport infratuzilmasini yanada rivojlantirish yuzasidan taklif va tavsiyalar bildirildi.

Mazkur o‘rganish natijalari asosida mavjud kamchiliklarni bartaraf etish, sport obyektlarining moddiy-texnik bazasini mustahkamlash va yoshlar uchun qulay sharoitlarni yanada yaxshilash bo‘yicha tegishli masalalar ko‘rib chiqiladi.