Máhállelerdegi sociallıq-ruwxıy ortalıqtı bekkemlew, kekse áwlad wákilleriniń bay turmıslıq tájiriybesinen únemli paydalanıw jáne xalıqtıń mashqalaların sistemalı sheshiw maqsetinde orınlarda ushırasıw hám sáwbetlesiwler izbe-iz dawam ettirilmekte.

♻️ Mine, usınday ilajlardan biri "Gújimli" mákan puqaralar jıyınında bolıp ótti. Onda Keńes baslıǵı O.Tolıbekov máhálleniń keksesi hám nuraniy ata-anaları menen ushırastı. Ushırasıwda rayon hákiminiń orınbasarı A.Utemisov, tiyisli mákeme basshıları hám "máhálle jetiligi" aǵzaları qatnastı.

✅ Ilaj dawamında máhálle infrastrukturasın bunnan bılay da jaqsılaw, xalıqtıń bántligin támiyinlew hám jaslar tárbiyasında kekselerdiń ornın arttırıwǵa qaratılǵan áhmiyetli máseleler dodalandı. Sonday-aq, "máhálle jetiligi" tárepinen aymaqta alıp barılıp atırǵan jumıslar haqqında aytip ótilip, keleshektegi tiykarǵı wazıypalar belgilep alındı.

✍️ Ilaj sońında nuraniylar tárepinen bildirilgen pikir-usınıslar tiyisli juwapkerler tárepinen ayrıqsha qadaǵalawǵa alındı. Kekseler wákilleri kórsetilip atırǵan joqarı itibar hám ǵamqorlıq ushın sheksiz minnetdarshılıq bildirip ótti.