Deputat so‘rovi natijasida muammo ijobiy hal etildi

Xalq deputatlari Olmazor tumani Kengashi deputati Ziyo parizod Azamat qizi tomonidan kiritilgan deputat so‘rovi asosida “Miskin” mahalla fuqarolar yig‘inidagi Magazin–Mavzek ko‘chasining asfalt qoplamasi bilan bog‘liq muammo tegishli tashkilotlar tomonidan ko‘rib chiqildi.

Amalga oshirilgan ishlar natijasida mazkur ko‘chada asfaltlashtirish ishlari to‘liq bajarilib, yo‘l zamonaviy asfalt qoplamasi bilan ta’minlandi. Natijada aholining uzoq yillardan buyon bildirib kelayotgan murojaatlari o‘z yechimini topib, transport harakati va piyodalar uchun qulay hamda xavfsiz sharoit yaratildi.

Shu tariqa, deputat so‘rovi ijrosi amalda ta’minlanib, “Miskin” MFY hududidagi Magazin–Mavzek ko‘chasini asfaltlashtirish ishlari muvaffaqiyatli yakunlandi. Bu esa hudud infratuzilmasini yaxshilash va fuqarolarning turmush sifatini oshirish yo‘lidagi muhim qadamlardan biri bo‘ldi.