Bugun Oliy Majlis Senati Raisi tomonidan mahalliy Kengashlar faoliyatining 5 oylik yakunlariga bag‘ishlangan videoselektor yig‘ilishida belgilab berilgan ustuvor vazifalar yuzasidan Xalq deputatlari Ishtixon tumani Kengashi kotibiyatida ishchi muhokama o‘tkazildi.

Muhokamada Kengash kotibiyat mudiri, Korrupsiyaga qarshi kurashish va xavfsizlik masalalari bo‘yicha doimiy komissiya raisi hamda kotibiyat bosh mutaxassisi M.Qarshiyev ishtirok etib, Senat tomonidan berilgan topshiriq va ko‘rsatmalarni tumanda samarali tashkil etish masalalari ko‘rib chiqildi.

Jumladan, deputatlik nazoratini kuchaytirish, doimiy komissiyalar faoliyati samaradorligini oshirish, aholi murojaatlari bilan ishlash sifatini yaxshilash hamda Kengashning nazorat-tahlil faoliyatini yanada takomillashtirish bo‘yicha amalga oshiriladigan chora-tadbirlar va ustuvor vazifalar belgilab olindi.

Shuningdek, yaqin muddatda bajarilishi lozim bo‘lgan ishlar yuzasidan mas’ullar kesimida vazifalar taqsimlanib, ularning ijrosini ta’minlash bo‘yicha kelishuvga erishildi.

✅ Belgilangan vazifalar ijrosi Kengash kotibiyati tomonidan tizimli nazorat qilib boriladi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)