Xalq deputatlari Paxtakor tumani Kengashi kotibiyati mudiri, deputat K. Mamanova, deputat Sh. Mirzayev hamda kotibiyat mutaxassislari tomonidan navbatdagi sessiya oldidan Suvonobod mahallasida mavjud ichki yo‘llarning holati o‘rganildi.

O‘rganish jarayonida mahalla hududidagi ko‘cha va yo‘llarning foydalanish darajasi, ularning texnik holati hamda fuqarolar uchun yaratilgan qulayliklar tahlil qilindi.

Shuningdek, mahalla aholisi bilan suhbat o‘tkazilib, ichki yo‘llarni yaxshilash, ta’mirlash va obodonlashtirish bo‘yicha ularning fikr va takliflari o‘rganildi.

Aniqlangan muammolarni bartaraf etish hamda yo‘l infratuzilmasini yanada yaxshilash yuzasidan tegishli masalalarni sessiya kun tartibiga kiritish bo‘yicha takliflar shakllantirilmoqda.