Xalq deputatlari Termiz shahar Kengashi raisi D.Normuradova hamda Kengash kotibiyati mudiri A.Ashurov Kengash deputati T.Berdiyev saylov okrugiga tegishli “Pattakesar” mahallasida bo‘lib, hududdagi mavjud muammolar yuzasidan fuqarolar bilan samimiy muloqot o‘tkazdilar.

💬 Ushbu muloqot jarayoni O‘zbekiston Respublikasi Oliy Majlisi Senati Kengashining 2025-yil 14-yanvarda qabul qilingan KQ-35-sonli qarori ijrosi yuzasidan mahalliy Kengash deputatlari faoliyati uchun belgilangan “24 ta eng muhim yo‘nalish” mezonlari asosida tashkil etildi.

💬 Suhbat davomida mahalla ahli o‘zlarini uzoq vaqtdan buyon qiynab kelayotgan jiddiy xavfsizlik muammosini ko‘tarishdi. Xususan, fuqarolar Do‘stlik ko‘chasi, 18-sonli uyning hovlisida joylashgan yuqori kuchlanishli elektr transformatorini aholi xavfsizligini ta’minlash maqsadida boshqa xavfsiz joyga ko‘chirib berilishida amaliy yordam so‘rab murojaat qildilar.

💬 Aholi xavfsizligi va qulayligiga bevosita daxldor bo‘lgan ushbu muammoni qisqa fursatlarda bartaraf etish, transformatorni texnik talablarga mos va xavfsiz hududga ko‘chirish choralarini ko‘rish maqsadida shahar Elektr tarmoqlari korxonasi hamda tegishli mutasaddi tashkilotlarga deputatlik so‘rovi yuborilishi belgilab olindi.

📌Ushbu murojaatning amaliy yechimi va bajarilish jarayonlari deputat deputatlar tomonidan nazoratga olindi.

🫥Maqsadimiz — fuqarolarimiz yashash hududlarining xavfsizligi va osoyishtaligini ta’minlash, aholining haqli murojaatlarini qonuniy va ijobiy hal etishdir!