Xalq deputatlari Termiz shahar Kengashi raisi D.Normuradova hamda Kengash kotibiyati mudiri A.Ashurov “Turon” mahallasida bo‘lib, mahalla faollarining bugungi kundagi faoliyati yuzasidan navbatdagi yig‘ilishini o‘tkazdilar.

💬 Ushbu yig‘ilish va tahliliy jarayon bevosita O‘zbekiston Respublikasi Oliy Majlisi Senati Kengashining 2024-yil 29-noyabrdagi “Kambag‘allikni qisqartirish bo‘yicha belgilangan ustuvor vazifalarning bajarilishini nazorat qilish chora-tadbirlari to‘g‘risida”gi KQ-6-V-son Qarori ijrosi yuzasidan mahalliy Kengash deputatlari faoliyati uchun belgilangan “24 ta eng muhim yo‘nalish” mezonlari doirasida tashkil etildi.

💬 Yig‘ilishda aynan Ijtimoiy reyestrda turuvchi fuqarolar bilan ishlash tizimi atroflicha muhokama qilindi.

💬 Xususan:
🟢Reyestrga kiritilgan fuqarolarga ko‘rsatilayotgan ijtimoiy yordam, nafaqalar va xizmatlarning haqqoniyligi, shuningdek, belgilangan muddatlarda yetkazilishi;
🟢Ijtimoiy yordamdan foydalanayotgan oilalarning iqtisodiy faolligini oshirish, ularni kasb-hunarga o‘qitish, o‘z-o‘zini band qilish yoki tadbirkorlikka jalb qilish orqali kambag‘allikdan olib chiqish borasidagi natijalar tahlil qilindi.

💬 Muloqot yakunida Kengash raisi D.Normuradova va Kotibiyat mudiri A.Ashurov mahalla faollariga Ijtimoiy reyestr bilan ishlashda mas’uliyatni yanada oshirish, har bir oilaning ehtiyojini chuqur o‘rganish, aholini kambag‘allikdan chiqarish bo‘yicha aniq topshiriqlar va amaliy tavsiyalar berdilar.

📌Maqsadimiz — Termiz shahrining har bir mahallasida inson qadrini yuksaltirish, aholi farovonligini ta’minlash va kambag‘allikka qarshi kurashda yuqori natijalarga erishishdir!