Xalq deputatlari Paxtakor tumani Kengashi kotibiyati mudiri, deputat K.Mamanova hamda kotbiyat mutahassislari tomonidan Mingchinor mahallasi hududidagi ichki yo‘llarning holati joyiga chiqqan holda o‘rganildi.

O‘rganish davomida mahalla hududidagi ko‘cha va ichki yo‘llarning bugungi holati, fuqarolar harakati uchun yaratilgan sharoitlar hamda mavjud muammolar ko‘zdan kechirildi.

Ayniqsa, ta’mirtalab yo‘l uchastkalari, yo‘l qoplamasidagi nosozliklar va aholi tomonidan bildirilayotgan murojaatlar yuzasidan tegishli ma’lumotlar to‘plandi.

Shuningdek, mahalla fuqarolari bilan muloqot qilinib, ichki yo‘llarni ta’mirlash va obodonlashtirish bo‘yicha taklif hamda mulohazalari tinglandi.

Aniqlangan muammolarni bartaraf etish va yo‘llar holatini yaxshilash yuzasidan tegishli tashkilotlar bilan bosqichma bosqich hal etilishi ta'kidlandi.