Xalq deputatlari Termiz shahar Kengashi kotibiyati mudiri A.Ashurov hamda Kengash kotibiyati bosh mutaxassisi R.Mamashukurovlar Kengash deputati B.Xollozov saylov okrugiga qarashli “Mehrobod” mahallasida bo‘lib, mahalladagi ijtimoiy xodim faoliyati bilan yaqindan tanishdilar.

💬 Ushbu o‘rganish jarayoni O‘zbekiston Respublikasi Prezidentining 2024-yil 18-iyuldagi PQ-267-sonli qarori ijrosi yuzasidan mahalliy Kengash deputatlari faoliyati uchun belgilangan “24 ta eng muhim yo‘nalish” mezonlari asosida tashkil etildi.

💬 Tahlil davomida quyidagilarga e’tibor qaratildi:

🟢Manzillilik va adolatlilik: Mahalladagi yolg‘iz keksalar, nogironligi bo‘lgan shaxslar va ijtimoiy himoyaga muhtoj oilalar ro‘yxatining yuritilishi hamda ularga ko‘rsatilayotgan yordamning haqqoniyligi;

🟢"Inson" markazi bilan integratsiya: Ijtimoiy xodimning "Inson" ijtimoiy xizmatlar ko‘rsatish markazi bilan aloqalari hamda ijtimoiy nafaqalar va xizmatlarni rasmiylashtirishdagi tezkorligi;

🟢Muammolarga individual yondashuv: Har bir muhtoj oilaning sharoitidan kelib chiqib, ularni og‘ir ijtimoiy vaziyatdan olib chiqish bo‘yicha ishlab chiqilgan individual rejalarning ijrosi.

💬 O‘rganish yakunida Kotibiyat mas’ullari tomonidan ijtimoiy xodimning faoliyatini yanada jonlantirish, aholiga ko‘rsatilayotgan xizmatlar sifatini oshirish, muhtoj fuqarolarga nisbatan insonparvarlik va mas’uliyatni kuchaytirish yuzasidan metodik tavsiyalar hamda tegishli ko‘rsatmalar berildi.