📌 Xalq deputatlari Taxiatosh tumani Kengashi deputati Madaminov Alisher Abdullayevich tumanimizda fuqarolarning turmush sharoitlarini yaxshilash, mahallani obodonlashtirish, ko'kalamzorlashtirish, Infratuzilmani yaxshilash masalalarini yanada takomillashtirish maqsadida “Qoraqalpoq suv ta’minoti” AJ Taxiatosh tumani filiali boshlig‘i R.Djumaniyazovga deputatlik so‘rovi yo‘lladi.

⚡️ “Qoraqalpoq suv ta’minoti” AJ Taxiatosh tumani filiali boshlig‘i R.Djumaniyazovga yo‘llangan deputatlik so‘rovida deputat:
🟢 Taxiatosh tumani “Taxiatosh” mahalla fuqarolar yig‘inidagi Xo‘jayli ko‘chasi bilan Anhor ko‘chasining kesishmasida ichimlik suvi quviri yorilib, Xo‘jayli ko‘chasi bo‘yidagi ariqqa suv oqib turganligi va shu yerdagi quvurlarni ta’mirlash, suv isrof bo‘lishining oldini olish ishlariga zarurat tug‘ilayotganligi yuzasidan rasmiy javob olish maqsadida asoslantirilgan tushuntirish berish yoki o‘z nuqtai nazarini bayon qilishni so‘radi.

📥 Deputat Madaminov Alisher Abdullayevich mazkur so‘rov orqali mahalla aholisi uchun qulay yashash muhitini yaratish, mahallalarda mavjud muammolarga e’tibor qaratish va ularni hal etish jarayonlarini tezlashtirishni maqsad qilgan.

✍️ Ma’lumot uchun: “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunning 5- va 8-moddalariga binoan deputatlik so‘roviga javob 10 kun ichida taqdim etilishi lozim. Deputat so‘rovini o‘z vaqtida ko‘rib chiqmaslik yoki noto‘g‘ri ma’lumot berish Ma’muriy javobgarlik to‘g‘risidagi kodeksning 193-moddasiga muvofiq javobgarlikka sabab bo‘ladi.