Deputat máhálledegi mashqalalardı úyrendi


♻️ Xalıq deputatları Shımbay rayonlıq Keńesi 7-sanlı “Tazajol” saylaw okrugi Ózbekstan “Ekologiyalıq” partiyası deputatı A.Sultanbaev “Tazjol” APJ aymaǵındaǵı, xalıqtı qıynap kiyatırǵan sociallıq-turmıslıq mashqalalardı úyrendi. Ushırasıw dawamında puqaralardıń ishimlik suwı, elektr támiynatı, jollardıń jaǵdayı, abadanlastırıw hám basqa da áhmiyetli máseleler boyınsha múrájatları tıńlandı.


Deputat tárepinen hár bir múrájat boyınsha tiyisli shólkemler hám juwapker basshılarǵa anıq tapsırmalar berilip, mashqalalardı saplastırıw ilajları belgilep alındı. Sonday-aq, xalıq penen ashıqtan-ashıq sóylesiw ótkerilip, olardı qıynap atırǵan máselelerdi sheshiw boyınsha ámeliy jumıslar alıp barılatuǵını atap ótildi.

Puqaralardıń múrájatların óz waqtında sheshiw hám máhállelerdegi sociallıq infrastrukturanı jáne de jaqsılaw deputatlıq jumıstıń tiykarǵı baǵdarlarınan biri bolıp qalmaqta.