📚 Yoshlar bilan ochiq muloqot – muhim tashabbuslar markazida

Xalq deputatlari Uchquduq tumani Kengashi deputati M.Ravjanova, tuman Kengashi kotibiyati bosh mutaxassisi T.Xaydarov hamda Xalq deputatlari tuman Kengashi huzuridagi Yoshlar maslahat guruhi a’zolari hamkorligida tuman Axborot-kutubxona markazida yig‘ilish o‘tkazildi.

Yig‘ilish davomida yoshlarning ijtimoiy faolligini oshirish, ularning tashabbuslarini qo‘llab-quvvatlash, bandlik va bo‘sh vaqtini mazmunli tashkil etish masalalari muhokama qilindi. Shuningdek, yoshlar o‘rtasida kitobxonlikni keng targ‘ib etish, zamonaviy bilim va ko‘nikmalarni rivojlantirishga qaratilgan takliflar ilgari surildi.

Tadbirda Yoshlar maslahat guruhi a’zolari tomonidan hududdagi muammolar, yoshlarni qiynayotgan dolzarb masalalar ham ko‘tarilib, ularning yechimiga qaratilgan aniq takliflar bildirildi.

🤝 Mazkur uchrashuv yoshlar va deputatlar o‘rtasidagi ochiq muloqotni mustahkamlash, hamkorlikni yanada rivojlantirishga xizmat qilmoqda.