Халық депутатлары Шымбай районлық Кеңесиндеги Өзбекстан ХДП депутатлық топары ағзалары тәрепинен Өзбекстан Республикасы Президентиниң 2025-жыл 8-сентябрь күнги "Мектептен тысқары билимлендириў системасын жаңа басқышқа алып шығыў илажлары ҳаққында"ғы ПҚ-277-санлы қарарының Шымбай районында орынланыўы бойынша үйрениў жумыслары алып барылды.

Үйрениў даўамында депутатлар “Гүжимли” МПЖ аймағында жайласқан “Келешек” орайында болып, оқыўшылардың бос ўақытларын мазмунлы шөлкемлестириў бағдарында әмелге асырылып атырған жумыслар, бар имканиятлар ҳәм машқалалар көзден өткерилди.

Атап айтқанда, дөгеректиң жумысы, материаллық-техникалық базаның жағдайы, педагог кадрлардың потенциалы ҳәм жаслардың қызығыўшылықларына сәйкес бағдарларды кеңейтиў мәселелерине айрықша итибар қаратылды. Сондай-ақ, қарарда белгиленген ўазыйпалардың орынланыўын тәмийинлеў бағдарында әмелге асырылып атырған жумыслар бойынша жуўапкерлердиң мәлимлемелери тыңланды.

Үйрениўлер нәтийжесинде тараўды және де раўажландырыў, бар кемшиликлерди сапластырыў ҳәм мектептен тысқары билимлендириў системасын жаңа басқышқа алып шығыў бойынша тийисли усыныслар билдирилди. 

Бул бағдардағы жумысларды избе-из даўам еттириў, жаслардың интеллектуаллық ҳәм дөретиўшилик потенциалын арттырыўға қаратылған илажларды күшейтиў тийкарғы ўазыйпа сыпатында белгиленди