Sog‘liqni saqlash sohasini raqamlashtirish va dori vositalarining noqonuniy aylanmasiga chek qo‘yish maqsadida mamlakatimizda elektron retsept tizimi joriy etilmoqda. Xalq deputatlari Olmaliq shahar Kengashi deputati Adham Xasanov o‘z saylov okrugidagi dorixonalar faoliyati bilan yaqindan tanishdi.

✅Elektron tartib: Dorixonalarning maxsus elektron tizim bilan integratsiya qilinganligi va dori vositalarini elektron retsept asosida berish jarayoni;

✅Qonuniy talablar: Dori vositalarini berishda belgilangan tartib-qoidalarga rioya etilishi;

✅Fuqarolar munosabati: Yangi tizimning aholi uchun qulaylik darajasi va yuzaga kelayotgan masalalar yuzasidan xaridorlar bilan suhbat o‘tkazildi.

Elektron retsept tizimi shifokor tomonidan tavsiya etilgan dori vositalarining aniqligini ta'minlash, o‘zboshimchalik bilan dori ichish (samolecheniye)ning oldini olish va farmatsevtika bozorida shaffoflikni o‘rnatishga xizmat qiladi.

✍️ Xulosa:

Deputat tomonidan dorixona xodimlariga qonuniy talablar yuzasidan tushuntirishlar berildi. Aholi tomonidan bildirilgan takliflar asosida tizimni yanada takomillashtirish bo‘yicha tegishli xulosalar olindi.