Xalıq deputatları Bozataw rayonlıq Keńesi deputatı, "ÓzLiDeP" deputatlıq topar aǵzası J.Jumanazarov «Erkindarya» saylaw okrugi aymaǵındaǵı deputatlıq ushırasıwı dawamında aymaqta bir qatar mashqalalar anıqlandı. 

Atap aytqanda aymaqtaǵı “Berdaq” kóshesinde jasawshı puqara Q.Eshimov ózi napaqada balası O.Eshimov 2-topar mayıplılıǵı bolıp shańaraqta ekewi jasaydı. Bul puqaranıń jasap turǵan úyinıń ishki hám sırtqı kórinisleri awır awhalda bolıp házirgi waqıta óz kúshi menen remont islewge imkaniyatı joqlıǵın aytıp múrajaat etkeni boyınsha. 

Bozataw rayonı “Insan” sociallıq xızmetler orayı direktorı D. Kaypovqa deputat sorawı jiberildi.
Esletpe: Hákimshilik juwapkershilik haqqındaǵı Kodekstiń 193-statyasına muwapıq, deputat sorawın kórip shıqpastan qaldırıw yaki olardı kórip shıǵıw múddetin sebepsiz buzıw yamasa olar boyınsha bile turıp natuwrı maǵlıwmatlardı usınıw bazalıq esaplaw muǵdarınıń 3 esesinen 7 esesine shekem járiyma salıwǵa sebep bolıwı múmkin.