Xalq deputatlari Urganch shahar va Gurlan tumani Kengashlari raislari tashabbusi bilan hududlararo o‘zaro hamkorlik aloqalari yo‘lga qo‘yildi. Ushbu tashabbusning asosiy maqsadi — Kengashlar doimiy komissiyalari faoliyatini tubdan jonlantirish hamda xalq vakillarining ish samaradorligini sifat jihatidan yangi bosqichga ko‘tarishdan iborat.

Mazkur hamkorlik doirasida joriy yilning 27-aprel kunidan 1-may sanasiga qadar «Tajriba almashish kunlari» o‘tkazilmoqda.

 Tadbir davomida: 

· Kengashlar faoliyatini tashkil etish bo‘yicha hududlardagi ilg‘or amaliyotlar tahlil qilinmoqda; 

· Doimiy komissiyalar ishini tizimli va samarali yo‘lga qo‘yish bo‘yicha o‘zaro tajriba almashilmoqda;

Deputatlik nazoratini kuchaytirish hamda hududiy muammolarni hal etishda yangicha yondashuvlar muhokama etilmoqda.
Ishonchimiz komilki, mazkur tajriba almashish jarayonlari har ikki hudud Kengashlari faoliyatida ijobiy o‘zgarishlarga hamda xalqimiz farovonligi yo‘lida amalga oshirilayotgan ishlarni jadallashtirishga xizmat qiladi.