“Yashil makon” umumxalq loyihasi mamlakatimizda
ekologik barqarorlikni ta’minlash va atrof-muhitni muhofaza qilish borasidagi
muhim tashabbusdir. Mazkur loyiha doirasida olib borilayotgan
ko‘kalamzorlashtirish ishlari aholi o‘rtasida ekologik madaniyatni
yuksaltirish, havo sifatini yaxshilash hamda iqlim o‘zgarishining salbiy
ta’sirini kamaytirishga xizmat qilmoqda.

“Bir fuqaro – bir daraxt” tamoyili jamiyatda
mas’uliyat hissini kuchaytirib, fuqarolarni tabiatga e’tiborli bo‘lishga
undamoqda. Shu bilan birga, ekilgan daraxtlarni parvarishlash, sug‘orish
tizimini yo‘lga qo‘yish va ularning yashab ketishini ta’minlash ustuvor vazifa
hisoblanadi.

Xulosa qilib aytganda, ushbu loyiha nafaqat ekologik,
balki muhim ijtimoiy ahamiyatga ega. Uni qo‘llab-quvvatlash va
amalga oshirishda faol ishtirok etish har birimizning fuqarolik burchimizdir.

Xalq deputatlari Qo‘shko‘pir
tuman kengashi deputati N.Ibragimova