Xalq deputatlari G‘allaorol tuman Kengashi 17-Marjonbuloq saylov okrugidan saylangan deputat A.Xazratqulov tomonidan hududdagi ko‘p qavatli uylarning isitish va issiq suv ta’minoti tizimi ko‘zdan kechirildi.

✅Mutasaddi tashkilotlar vakillari bilan birgalikda mavjud tizimlarning samarali ishlashi, aholiga uzluksiz va sifatli xizmat ko‘rsatish masalalari muhokama qilindi. A.Xazratqulov aholi bilan uchrashib, ularning fikr-mulohazalari va takliflarini tingladi. Fuqarolar tomonidan yaratilayotgan sharoitlar, isitish va issiq suv ta’minotining yo‘lga qo‘yilgani yuzasidan ijobiy fikrlar bildirildi. Mutasaddilarga aholining ehtiyojlarini inobatga olgan holda ishlarni izchil davom ettirish muhimligi ta’kidlandi.

🖊 Mazkur o‘rganish ishlari hududda aholi uchun qulay yashash sharoitlarini ta’minlash, ko‘p qavatli uylar infratuzilmasini yanada rivojlantirishga xizmat qilishi qayd etildi.