Mahallada olib borilayotgan ijtimoiy-iqtisodiy ishlar, aholi bandligini ta’minlash va tadbirkorlikni rivojlantirish borasidagi faoliyat Tuman Kengashi mutaxassisi Sh.Tog’ayev 19-Xo’jaubbon saylov okrugi deputati R.Atoyeva hamda "MADAD" NNT tuman huquqiy maslahat byurosi bosh mutaxassisi M.Fatullayevlar  ishtirokida Marziya mahalla hokim yordamchisining ish faoliyati atroflicha ko‘rib chiqildi.

Jarayonda hokim yordamchisining fuqarolar bilan ishlash, ularning muammolarini o‘rganish hamda amaliy yordam ko‘rsatish yo‘nalishidagi sa’y-harakatlariga alohida e’tibor qaratildi.

Xususan, issiqxona tashkil etib, pomidor va bodring yetishtirishni yo‘lga qo‘ygan fuqaroga hokim yordamchisi tomonidan zarur ko‘mak berilib, subsidiya ajratilishiga erishilgan. Natijada tomorqadan samarali foydalanish, daromad manbaini kengaytirish hamda oziq-ovqat mahsulotlari yetishtirish hajmini oshirishga xizmat qilmoqda.

Shu bilan birga, mahallada asalarichilik faoliyatini rivojlantirish borasida ham amaliy ishlar olib borilmoqda. Hokim yordamchisining tashabbusi bilan ushbu yo‘nalishga qiziqish bildirgan fuqarolarga maslahatlar berilib, zarur sharoitlar yaratishda ko‘maklashilmoqda. Bu esa nafaqat qo‘shimcha daromad manbai, balki ekologik toza mahsulotlar yetishtirishni ham rag‘batlantirmoqda.

Deputat tomonidan amalga oshirilayotgan ishlar ijobiy baholanib, kelgusida ham aholi bandligini oshirish, tadbirkorlikni qo‘llab-quvvatlash va fuqarolarga manzilli yordam ko‘rsatish borasidagi ishlarni yanada kuchaytirish yuzasidan tavsiyalar berildi.