Xalq deputatlari Pastdarg‘om tuman Kengashi deputati B.Sadikova tomonidan “Turkman” mahallasida faoliyat yuritayotgan “yettilik” a’zolarining ish jarayoni o‘rganildi.

 Tashrif davomida mahalladagi ijtimoiy-ma’naviy muhit, aholi muammolarini hal etish bo‘yicha amalga oshirilayotgan ishlar hamda hamkorlik tizimi atroflicha tahlil qilindi.

O‘rganish jarayonida fuqarolar bilan ochiq muloqot o‘tkazilib, ularni qiynayotgan masalalar tinglandi. Ayniqsa, yoshlar bandligi, xotin-qizlarni qo‘llab-quvvatlash, ehtiyojmand oilalarga ko‘mak berish borasidagi ishlar muhokama markazida bo‘ldi.

Shuningdek, “yettilik” faoliyatini yanada samarali tashkil etish, mavjud muammolarni tezkor bartaraf etish yuzasidan tegishli tavsiyalar berildi. Mahalla tizimida olib borilayotgan ishlarni kuchaytirish orqali aholi farovonligini oshirish ustuvor vazifa ekanligi ta’kidlandi.