Taxiatosh tumani “Naymanko‘l” mahallasi markazidagi ko‘chalarga tomorqa yerlarini sug‘orish uchun oqaba suv yetkazib berish masalasi bo‘yicha aholidan kelib tushgan murojaat joyida o‘rganildi.

👥 Ushbu masalani atroflicha ko‘rib chiqish maqsadida Xalq deputatlari Taxiatosh tumani Kengashi deputatlari — Oʻzbekiston Xalq demokratik partiyasidan saylangan deputat Artikov Davron Omarbayevich hamda Kengash kotibiyati mudiri, Oʻzbekiston Ekologik partiyasidan saylangan deputat Matniyazov Akbar Qadirovich joyiga chiqqan holda o‘rganish ishlarini olib bordilar.

💧 O‘rganish davomida mavjud muammolar tahlil qilinib, aholini suv bilan ta’minlash, xususan tomorqa yerlarini samarali sug‘orish uchun oqaba suvni yetkazib berish imkoniyatlari va chora-tadbirlari ko‘rib chiqildi.

🛠 Hozirda ushbu muammoni bartaraf etish yuzasidan tegishli tashkilotlar bilan hamkorlikda amaliy yechimlar ishlab chiqilmoqda.