Hududdagi tibbiyot birlashmasida chiqindilarni olib chiqish va ularni belgilangan tartibda utilizatsiya qilish holati deputat tomonidan o‘rganildi. O‘rganish jarayonida tibbiy chiqindilarni yig‘ish, saqlash hamda olib chiqish tizimining amaldagi talablarga muvofiqligi xalq deputatlari Pastdarg‘om tuman Kengashi deputati N.Allayorova tomonidan tahlil qilindi.

Aniqlanishicha, ayrim yo‘nalishlarda kamchiliklar mavjud bo‘lib, ularni bartaraf etish yuzasidan mutasaddi tashkilotlarga tegishli tavsiyalar berildi. Shu bilan birga, mas’ul xodimlarga sanitariya-gigiyena qoidalariga qat’iy rioya etish zarurligi yana bir bor eslatildi.

Mazkur masala deputat nazoratiga olinib, kelgusida bu borada amalga oshirilayotgan ishlar yuzasidan qo‘shimcha monitoring olib borilishi ta’kidlandi.