Xalq deputatlari tuman Kengashi deputati E.Abdullayev tumandagi 3-umumta’lim maktabiga tashrif buyurib, yoshlar bilan ochiq muloqot o‘tkazdi. Uchrashuv davomida o‘quvchilarning fikr-mulohazalari tinglanib, ularni qiziqtirayotgan masalalar yuzasidan savollariga javob berildi. Xususan, yoshlarning bo‘sh vaqtlarini mazmunli tashkil etish, sport va to‘garaklar faoliyatini yanada
rivojlantirish, zamonaviy bilim va kasb-hunarlarni egallash masalalari muhokama qilindi. Deputat E.Abdullayev o‘z so‘zida yoshlar uchun yaratilayotgan imkoniyatlardan samarali foydalanish, yuksak maqsadlar sari intilish va Vatan ravnaqiga munosib hissa qo‘shish har bir yoshning burchi ekanini ta’kidladi. Shuningdek, yoshlarni qo‘llab-quvvatlash, ularning tashabbuslarini rag‘batlantirish doimo e’tibor markazida bo‘lishi qayd etildi.