Mahalla ettiligi faoliyati o‘rganildi  

Xalq deputatlari Qo‘shko‘pir tuman Kengashi deputati
M. Artiqova Uyghur mahallasi “yettligi” bilan uchrashuv o‘tkazdi. Uchrashuv
davomida deputat hududdagi ijtimoiy-siyosiy jarayonlar, aholi muammolari va
ularning yechimiga qaratilgan tashabbuslar bilan yaqindan tanishdi. 

Shuningdek, mahalla faoli Boboniyozova Sevara hamda
yoshlar yetakchisi Sotiboldiyeva Guli Baxtiyarovna faoliyati o‘rganilib,
ularning jamiyat hayotidagi o‘rni, yoshlar bilan ishlashdagi yondashuvlari va
fuqarolik faolligini oshirish borasidagi sa’y-harakatlari alohida e’tirof
etildi. 

Mazkur uchrashuv hududda olib borilayotgan
islohotlarning samaradorligini oshirish, aholi bilan ochiq muloqotni
mustahkamlash hamda mahalla institutining jamiyat boshqaruvidagi rolini
kuchaytirishga xizmat qilishi ta’kidlandi.