📌 Sherobodda bunyodkorlik ishlari deputatlik nazoratida

🏗️ Xalq deputatlari Sherobod tumani Kengashi kotibiyati mudiri O. Tursunov tomonidan hududlarda amalga oshirilayotgan bunyodkorlik va infratuzilma loyihalari yuzasidan deputatlik nazorati olib borildi. 

🔍 Jumladan, O‘zbekiston Respublikasi Prezidentining 2024-yil 24-dekabrdagi PQ-454-sonli “2025–2027-yillarda ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi qarori ijrosini ta’minlash maqsadida amalga oshirilayotgan muhim loyihalar o‘rganildi.

🚧 Xususan, 4P23J “M39 avtomobil yo‘lidan Sherobod shahriga kirish” avtomobil yo‘lining 0–6 km qismini rekonstruksiya qilish ishlari hamda Sherobod kanali ustidan qayta qurilayotgan ko‘prikdagi jarayonlar joyiga chiqib ko‘zdan kechirildi.

✅ O‘rganish davomida qurilish ishlarining sifati, belgilangan muddatlarga rioya etilishi hamda xavfsizlik choralariga alohida e’tibor qaratildi.

📊 Aniqlangan kamchiliklarni bartaraf etish yuzasidan mas’ullarga tegishli tavsiyalar berildi va ishlarni jadallashtirish bo‘yicha topshiriqlar qo‘yildi.

🚀 Mazkur loyihalar hudud infratuzilmasini yanada yaxshilash, aholi uchun qulayliklar yaratish va transport qatnovini yengillashtirishga xizmat qiladi.