Xalq deputatlari Zarbdor tuman Kengashiga 7-Sutbuloq saylov okrugidan saylangan deputat I.Allayarov tomonidan yuborilgan deputat so‘roviga Zarbdor tuman Obodonlashtirish boshqarmasi tomonidan rasmiy javob taqdim etildi.

Mazkur javobda “Lalmikor” mahallasidagi Farovon ko‘chasining 270 metr qismi shag‘allashtirilmay qolganligi natijasida yog‘ingarchilik mavsumida suv to‘planishi, yo‘lning loyga aylanishi hamda fuqarolar va transport harakatida qiyinchiliklar yuzaga kelayotgani o‘rganishlar davomida tasdiqlangani qayd etilgan.

Shuningdek, mazkur muammoni bartaraf etish maqsadida ushbu ko‘cha 2026-yil manzilli dasturiga kiritilgani, tegishli mablag‘lar ajratilgach, yo‘lni shag‘allashtirish ishlari amalga oshirilishi ma’lum qilingan.

Mazkur masala deputat tomonidan nazoratga olingan bo‘lib, belgilangan ishlarning o‘z vaqtida va sifatli bajarilishi ustidan monitoring olib boriladi.