Ma’naviyat maskaniga tashrif 

 Bugun Ohangaron tumani "Gulobod" okrugi
deputati, O‘zLiDeP a’zosi Bahromjon Norqobilov hamda kotibiyat mudiri Madhiya Nishanova,
shuningdek, "Go‘shsoy" okrugi deputati Qayum Mirzaev va "Tut" saylov okrugi deputati Shoira
To‘laganovalar taniqli shoir Barot Isroil xonadonida bo‘lib, uning holidan xabar
olishdi. 

 Toshsoy qishlog‘idagi mo‘jaz kutubxona va ijodxonada o‘tgan samimiy suhbat davomida shoirning
ijodiy faoliyati haqida fikr almashildi. 

“Barot Isroilning mazmunli hayoti va
ijodi barchamiz uchun haqiqiy namuna”, — deya ta’kidlandi uchrashuvda. 

Tashrif davomida "Gulobod" okrugi deputati Bahromjon Norqobilov ayrim muammolarni o‘rganib, ularni hal etish
bo‘yicha amaliy yordam ko‘rsatilishini bildirdi. 

Ushbu uchrashuv Ohangaronda ijodkorlarga bo‘lgan yuksak ehtirom va ma’naviyatga qaratilayotgan e’tiborning yana bir yorqin
namunasi bo‘ldi.