Qibray tumanidagi 7-sonli mahalla huquq-tartibot maskanida jinoyatchilikka qarshi kurash holati atroflicha o‘rganildi.

Xalq deputatlari Qibray tuman Kengashi 8-okrug deputati M.Miryunusov, kotibiyat mudiri O.Toirov hamda kotibiyat bosh mutaxassisi A.Ashirmatovlar hududda bo‘lib, mahalladagi jinoyatchilik holati bilan yaqindan tanishdi.

O‘rganish jarayonida, ayniqsa “qizil” va “sariq” toifaga kiruvchi hududlarda jinoyatchilikning oldini olish, huquqbuzarliklarni barvaqt aniqlash hamda ularni bartaraf etish borasida amalga oshirilayotgan chora-tadbirlar muhokama qilindi.

Mas’ullar tomonidan profilaktik ishlarni kuchaytirish, aholi bilan manzilli ishlash, huquqiy targ‘ibotni yanada faollashtirish hamda jinoyatchilikka qarshi kurashishda tizimli yondashuvni ta’minlash yuzasidan tegishli tavsiyalar berildi.

Hududlarda osoyishtalikni ta’minlash va fuqarolar xavfsizligini mustahkamlash ustuvor vazifa ekani alohida ta’kidlandi.