Xalq deputatlari Angor tumani Kengashining 22-Zartepa saylov okrugi deputati Yarmatov Muxiddin Nurxonovich tomonidan o‘z hududida joylashgan Angor tumani tibbiyot birlashmasiga qarashli “Zang” oilaviy shifokorlik punktida nazorat-tahlil tadbiri o‘tkazildi. Mazkur nazorat tahlil davomida tuman Kengashi kotibiyati mudiri Raximqulov Jamshid ham ishtirok etdi. Nazorat tadbiri jarayonida muassasada olib borilayotgan ro‘yxatga olish ishlari, fuqarolarni qabul qilish tizimi hamda xizmat ko‘rsatish sifati atroflicha o‘rganildi. Jumladan, elektron navbat monitori orqali kelgan fuqarolarning navbatini tartibga solish, ularni tegishli mutaxassis va xonalarga yo‘naltirish tizimi amalda qanday yo‘lga qo‘yilgani ko‘zdan kechirildi. Shuningdek, punktda faoliyat yuritayotgan 7 nafar patronaj hamshiralar tomonidan DMT bazasi orqali olib borilayotgan ishlar, aholi salomatligini nazorat qilish va ro‘yxat yuritish tizimi yuzasidan batafsil ma’lumotlar berildi. Deputat tomonidan fuqarolarga tarqatilayotgan bepul dori-darmonlar holati ham o‘rganilib, ularning saqlanishi va yetkazib berilish jarayonlariga alohida e’tibor qaratildi. O‘rganishlar davomida muassasaga murojaat qilgan fuqarolar bilan suhbatlar o‘tkazilib, ularga yaratilgan shart-sharoitlar, xizmat ko‘rsatish sifati hamda mavjud muammolar yuzasidan fikr-mulohazalar tinglandi. Mazkur nazorat-tahlil tadbiri yakunida aniqlangan kamchiliklarni bartaraf etish hamda tizim faoliyatini yanada takomillashtirish bo‘yicha deputat tomonidan tegishli tavsiyalar berdi.