Xalq deputatlari Angor tuman Kengashi 12-Qodiriy saylov okrugi deputati Qoziyeva Shoira tomonidan belgilangan 24-tavsiya ijrosini ta’minlash maqsadida hududdagi sport maktabi faoliyati o‘rganildi. O‘rganish jarayonida sport maktabida yaratilgan sharoitlar, o‘quvchi-yoshlarning sport turlari bo‘yicha mashg‘ulotlarga jalb etilishi, murabbiylar faoliyati hamda moddiy-texnik baza holati tahlil qilindi. Shuningdek, sport zal va maydonchalarning holati, jihozlanishi hamda mashg‘ulotlar samaradorligi yuzasidan tegishli ma’lumotlar o‘rganib chiqildi. Mutasaddi mas’ullar bilan suhbat davomida mavjud muammo va kamchiliklar muhokama qilinib, ularni bartaraf etish bo‘yicha taklif va tavsiyalar berildi. Xususan, sport inventarlarining yangilanganligi, yoshlar qamrovini kengaytirish hamda iqtidorli sportchilarni qo‘llab-quvvatlash masalalariga alohida e’tibor qaratildi. O‘rganish yakunida sport maktabi faoliyatini yanada rivojlantirish, yoshlar uchun qulay shart-sharoitlarni kengaytirish hamda sportga jalb etish ko‘lamini oshirish bo‘yicha tegishli tavsiyalar ishlab chiqildi.