17-Bog'isaidon saylov okrugi deputati H.Aslonov ishtirokida Bog'turkon mahallasida choraklik hisobot yig'ilishi bo'lib o'tdi. Yig'ilishda mahalla raisi, ijtimoiy xodim, yoshlar yetakchisi, hokim yordamchisi, xotin-qizlar faoli va inspektorning ma'lumotlari tinglandi.

Muhokama doirasida aholi muammolarini hal etish, bandlikni ta'minlash, ijtimoiy himoya, xavfsizlik va rivojlanish bo'yicha amalga oshirilgan ishlar ko'rib chiqilib, deputat tomonidan kamchiliklarni bartaraf etish uchun tavsiyalar berildi.

Mahallada amalga oshirilayotgan ishlar samaradorligini oshirish, aholi muammolarini o’z vaqtida hal etish va ijtimoiy himoyani kuchaytirish maqsadida mahalla fuqarolar yig’inida navbatdagi choraklik hisobot yig’ilishi bo’lib o’tdi. Unda 17-Bog’isaidon saylov okrugi deputat H.Aslonov ishtirok etib, Bog’iturkon mahalla xodimlari tomonidan amalga oshirilgan ishlar yuzasidan hisobotlar tinglandi va atroflicha muhokama qilindi.

Yig’ilishda, avvalo, mahalla raisi tomonidan hududda amalga oshirilgan ishlar, aholi murojaatlari bilan ishlash, obodonlashtirish va ijtimoiy masalalarni hal etish borasidagi faoliyat yuzasidan hisobot taqdim etildi. Shuningdek, ijtimoiy xodim tomonidan ehtiyojmand oilalarni qo’llab-quvvatlash, moddiy yordam ko’rsatish, kam ta’minlangan aholi qatlami bilan olib borilayotgan ishlar haqida ma’lumot berildi.

Yoshlar yetakchisi o’z chiqishida yoshlar bandligini ta’minlash, ularni kasb-hunarga yo’naltirish, bo’sh vaqtlarini mazmunli tashkil etish va turli tadbirlarga jalb qilish borasida amalga oshirilgan ishlar haqida to’xtalib o’tdi. Hokim yordamchisi esa hududni ijtimoiy-iqtisodiy rivojlantirish, tadbirkorlikni qo’llab-quvvatlash va aholi daromadlarini oshirish bo’yicha olib borilayotgan ishlar yuzasidan hisobot berdi.

Xotin-qizlar faoli tomonidan ayollarni qo’llab-quvvatlash, ularning bandligini ta’minlash, ijtimoiy himoyaga muhtoj xotin-qizlar bilan ishlash, ma’naviy-ma’rifiy tadbirlarni tashkil etish bo’yicha amalga oshirilgan ishlar yoritildi. Shuningdek, mahalla inspektori tomonidan hududda huquqbuzarliklarning oldini olish, jamoat xavfsizligini ta’minlash va profilaktika ishlarining holati yuzasidan axborot berildi.

Deputat tomonidan har bir hisobot yuzasidan fikr-mulohazalar bildirilib, mavjud kamchiliklarni bartaraf etish, ish samaradorligini yanada oshirish bo’yicha tegishli tavsiya va ko’rsatmalar berildi. Yig’ilish yakunida mahallada olib borilayotgan ishlar tizimli davom ettirilishi va aholi manfaatlarini ta’minlash ustuvor vazifa ekanligi alohida ta’kidlandi.