Xalq deputatlari Toyloq tumani Kengashi deputati F. Suyarov G‘ulba mahallasida saylovchilar, xususan fermer xo‘jaliklari rahbarlari bilan uchrashuv o‘tkazdi.

Uchrashuv davomida yurtimizga bahor fasli kirib kelgani, dala ishlari qizg‘in boshlanganligi ta’kidlandi. Dehqonchilikda yuqori hosil olish, har bir qarich yerdan unumli foydalanish, ariq va zovurlarni tozalash, ekin maydonlarini mavsumga puxta tayyorlash masalalariga alohida e’tibor qaratildi.

Shuningdek, g‘alla maydonlarini begona o‘tlardan tozalash, mineral o‘g‘itlar bilan o‘z vaqtida oziqlantirish, agrotexnik tadbirlarni belgilangan muddatlarda amalga oshirish yuzasidan tavsiyalar berildi. Seminar tarzida tashkil etilgan uchrashuvda mutaxassislar va fermerlar o‘rtasida fikr almashilib, amaliy takliflar ilgari surildi.

Bizni kuzatib boring:👇

t.me/Toyloq_tuman_Kengashi