Tayloq tumanida aholi turmushini yaxshilash va ijtimoiy muammolarni hal qilish maqsadida bir qator loyihalar amalga oshirilmoqda. Bu chora-tadbirlar “Fuqarolik jamiyati institutlarini davlat tomonidan qo‘llab-quvvatlash tizimini yanada takomillashtirish chora-tadbirlari to‘g‘risida”gi PF-124-sonli Farmon ijrosini ta’minlash doirasida amalga oshirilmoqda. 

  ✔️Parlament komissiyasi a’zolari, hududiy jamoat fondi xodimlari hamda tuman Kengashi kotibiyati va deputatlar ishtirokida aholi yashaydigan mahallalardagi muammolar o‘rganildi. O‘rganish natijalari asosida aholi uchun eng dolzarb masalalar – toza ichimlik suvi ta’minoti va migratsiyadan qaytgan xotin-qizlarning bandligini ta’minlash vazifalari belgilab olindi. 

  ✔️Shu asosda, ajratilgan mablag‘ evaziga Yastepa mahallasida aholini sifatli ichimlik suvi bilan ta’minlash, Xo‘jaqishloq mahallasida esa migratsiyadan qaytgan xotin-qizlarning bandligini ta’minlash loyihalari amalga oshiriladi. 

 ✔️Mazkur loyihalar aholining turmush darajasini ko‘tarish, ijtimoiy barqarorlikni mustahkamlash va xotin-qizlarning mehnat faoliyatida ishtirokini ta’minlashga xizmat qiladi.

🌐 https://t.me/Toyloq_tuman_Kengashi