🏛 Bugun Termiz shahar Korrupsiyaga qarshi kurashish komissiyasining navbatdagi sayyor yig‘ilishi shahar Tibbiyot birlashmasida bo‘lib o‘tdi. Tadbirda sog‘liqni saqlash tizimida korrupsiyaning oldini olish, sohada ochiqlik va shaffoflikni ta’minlash masalalari diqqat markazida bo‘ldi.

📊 Yig‘ilishda Termiz shahar Tibbiyot birlashmasi boshlig‘i Rustam Odinayevning 2025 yil davomida tizimda korrupsiyaga qarshi kurashish borasida amalga oshirilgan ishlar va kelgusidagi ustuvor vazifalar yuzasidan hisoboti tinglandi.

🔍 Yig‘ilish davomida quyidagi masalalarga alohida to‘xtalib o‘tildi:

🔹 Sog‘liqni saqlash tizimidagi korrupsiyaviy xavflarni bartaraf etish;

🔹 Davlat xaridlari va kadrlar siyosatida ochiqlikni ta’minlash;

🔹 Jamoatchilik nazorati mexanizmlarini kuchaytirish;

🔹 Muammoli jihatlarga huquqiy baho berish va nazoratni kuchaytirish.

🚫 Yig‘ilish ishtirokchilari korrupsiyaga nisbatan murosasiz munosabatni shakllantirish va tizimni adolatli qilish bo‘yicha aniq chora-tadbirlarni belgilab oldilar. Mazkur yig‘ilish korrupsiyaning oldini olish, unga qarshi murosasiz kurashish va tizimni yanada ochiq va adolatli qilish yo‘lida muhim amaliy bosqich bo‘lib xizmat qildi. Tadbir yakunida barcha davlat organlari va jamoat tashkilotlarining korrupsiyaga qarshi kurashda o‘zaro hamkorligini kuchaytirish zarurligi ta’kidlandi.

✅ Maqsad bitta — tizimda korrupsiyadan xoli muhitni yaratish va xalq ishonchini oqlash!