Deputat va saylovchilar: muammolar va yechimlar muhokamasi.

Joriy yilning 21-fevral kuni Namangan tuman 13-Qorako'l saylov okrugi deputati X.Xoliqov tomonidan “Deputat va saylovchilar” uchrashuvi Urganji mahallasida aholi bilan sayyor qabul o‘tkazildi. Muloqot jarayonida saylovchilar o‘zlarini qiziqtirgan masalalar, jumladan, infratuzilmani yaxshilash, kommunal xizmatlar sifatini oshirish, yo‘llar ta’miri, bandlik va ijtimoiy himoyaga doir muammolar yuzasidan fikr-mulohazalarini bildirdilar. Barcha murojaatlar diqqat bilan tinglanib, ayrim masalalar bo‘yicha joyida tushuntirishlar berildi, hal etish talab etilgan muammolar tegishli tartibda nazoratga olindi.

Uchrashuv ochiq va samimiy ruhda o‘tdi. Deputat saylovchilar bilan doimiy muloqotni yo‘lga qo‘yish, aholini o‘ylantirayotgan muammolarni tizimli hal etish borasidagi ishlar izchil davom ettirilishini ta’kidladi.

Xalq deputatlari Namangan tumani Kengashi matbuoti xizmati