Xalq deputatlari Bulung‘ur tuman Kengashi deputati Nishanov Xusniddin O‘ralovich (17-Elobod saylov okrugi) o‘z saylov hududidagi "Elobod" mahallasida mahalla yettiligi bilan birgalikda aholi muammolarini o‘rgandi.

Uchrashuv davomida fuqarolar tomonidan yo‘l infratuzilmasini yaxshilash, ichimlik suvi ta’minoti, elektr energiyasi uzilishlari hamda ijtimoiy yordam masalalari yuzasidan murojaatlar bildirildi. Deputat har bir masalani atroflicha tinglab, tegishli tashkilotlar bilan hamkorlikda ularni bosqichma-bosqich hal etish choralarini ko‘rish bo‘yicha mas’ullarga topshiriqlar berdi.

Shuningdek, mahalla faollari bilan hududni obodonlashtirish, yoshlar bandligini ta’minlash va ijtimoiy himoyaga muhtoj oilalarni qo‘llab-quvvatlash masalalari muhokama qilindi. Deputat tomonidan aholining taklif va tashabbuslarini qo‘llab-quvvatlash, ochiq muloqotlar tashkil etishni davom ettirish ta’kidlandi.

Mazkur uchrashuv fuqarolar muammolarini joyida o‘rganish va ularning yechimi yuzasidan amaliy choralar belgilashga xizmat qildi.

Xalq deputatlari Bulung‘ur tuman Kengashi