Yoshlar yetakchisi faoliyati va bandlik masalalari o‘rganildi 

12-Saidobod saylov okrugi deputati N.Ubaydullayeva mahalladagi yoshlar
yetakchisi tomonidan amalga oshirilayotgan ishlarning samaradorligini o‘rgandi. 

O‘rganish davomida asosiy e’tibor yoshlar bilan ishlash tizimi va ularning
ijtimoiy muammolarini hal etishga qaratildi. 

Tahlil markazida bo‘lgan masalalar: 

Yoshlar bandligi: "Yoshlar daftari"ga kiritilgan yigit-qizlarning
bandligini ta’minlash, ularga subsidiya va kreditlar ajratilishi holati. 

Tadbirlar samaradorligi: Mahallada o‘tkazilayotgan madaniy-ma’rifiy va
sport tadbirlarining shunchaki hisobot uchun emas, balki yoshlar dunyoqarashiga
ta’siri. 

Besh muhim tashabbus: Mahalladagi yoshlarning bo‘sh vaqtini mazmunli
tashkil etish bo‘yicha yaratilgan sharoitlar. 

O‘rganish yakunida mahalla yetakchisiga faoliyat samaradorligini yanada
oshirish, ishsiz yoshlarni kasb-hunarga yo‘naltirish bo‘yicha tegishli tavsiya
va ko‘rsatmalar berildi.