Bandixon tumanidagi 13-maktab obodonlashtirish ishlari va “Ochiq budjet” loyihalari o‘rganildi.

Xalq deputatlari tuman Kengashi deputati Pardayev Azamat Almardanovich tomonidan 13-maktab olib borilayotgan obodonlashtirish ishlari joyiga chiqib o‘rganildi. Tashrif davomida ichki yo‘llarni ta’mirlash, ko‘cha yoritish tizimini yangilash, bolalar maydonchalari barpo etish hamda hududni ko‘kalamzorlashtirish ishlari bilan yaqindan tanishildi.

Shuningdek, “Ochiq budjet” loyihasi doirasida fuqarolar tashabbusi asosida g‘olib deb topilgan tashabbuslarning ijro holati yuzasidan monitoring olib borildi. Xususan,13-maktab “Ochiq budjet” loyihasi doirasida olingan jihozlar ko‘zdan kechirildi.

O‘rganish jarayonida mas’ullari bilan suhbat o‘tkazilib, jihozlarning sifati va ishlatilishi yuzasidan tavsiyalar berildi. Aniqlangan kamchiliklarni bartaraf etish bo‘yicha mas’ullarga tegishli ko‘rsatmalar berilib, masalalar deputatlik nazoratiga olindi.

Deputat tomonidan “Ochiq budjet” jarayonlarida fuqarolarning faolligini yanada oshirish, tashabbuslarni sifatli va shaffof amalga oshirish muhimligi ta’kidlandi. Kelgusida ham hududlarni obodonlashtirish va aholi turmush sharoitini yaxshilashga qaratilgan ishlar izchil davom ettirilishi qayd etildi.