DEPUTATLIK SO‘ROVLARI IJROSI: MAS’ULIYAT VA NAZORAT KUCHAYTIRILADI
Xalq deputatlari Pastdarg‘om tumani Kengashining 2026-yil 14-sentabrdagi VII-34-121-7-101-K/26-son qarori bilan Kengash qarorlarining bajarilishi hamda deputatlik so‘rovlariga o‘z vaqtida javob berish holati yuzasidan amalga oshirilgan ishlar muhokama qilindi.
Ma’lumotlarga ko‘ra, 2026-yil yanvar–sentyabr oylarida jami 238 ta deputatlik so‘rovi yuborilgan. So‘rovlar asosan ichimlik suvi, elektr energiyasi, ichki yo‘llar, aholi bandligi, ijtimoiy soha obyektlari, kommunal xizmatlar, obodonlashtirish hamda fuqarolar murojaatlarida ko‘tarilgan muammolarni hal etishga qaratilgan.
O‘rganish natijalariga ko‘ra:
🔹 76 ta so‘rov bo‘yicha masalalar to‘liq ijobiy hal etilgan;
🔹 14 ta taklif tegishli davlat va hududiy dasturlarga kiritilgan;
🔹 92 ta so‘rov bo‘yicha muayyan ishlar amalga oshirilib, qisman ijro ta’minlangan;
🔹 24 ta so‘rov bo‘yicha amaliy natijaga erishilmagan.