ELEKTR TARMOQLARI HOLATI — DEPUTATLIK NAZORATIDA
Xalq deputatlari Pastdarg‘om tumani Kengashi deputati S. Nurmamatova navbatdagi sessiya kun tartibiga kiritilgan masala doirasida Mirzato‘p mahallasi, Ziyolilar ko‘chasi fuqarolarining murojaatini o‘rgandi.
Fuqarolarning ma’lum qilishicha, ko‘chadagi elektr tarmoqlari va elektr simlarining holati yuzasidan tegishli elektr ta’minoti tashkilotiga bir necha marotaba murojaat qilingan.
Ayni vaqtda Ziyolilar ko‘chasidagi elektr simlarining ayrim qismlari eskirgani va talab darajasida emasligi qayd etilmoqda.
Mazkur masala navbatdagi sessiyada muhokama qilinib, tegishli elektr ta’minoti tashkilotining mas’ullaridan mavjud holat, ko‘rilgan choralar va muammoni bartaraf etish bo‘yicha aniq takliflar yuzasidan axborot olinishi ko‘zda tutilgan.
📌 Deputat S. Nurmamatova tomonidan fuqarolar murojaatining amaliy yechimini ta’minlash hamda elektr tarmoqlarini tegishli talablar asosida tartibga keltirish masalasi deputatlik nazoratiga olindi.