Xalq deputatlari Payariq tumani Kengashi 10-Darvishiq saylov okrugi deputati A.Maxammatov tomonidan Kambag‘allikni qisqartirish va bandlikka ko‘maklashish tuman bo‘limi boshlig‘i K.Xudaykulovning aholini doimiy va vaqtincha bandlikka jalb etish, kasbga o‘qitish va qayta tayyorlash, shuningdek, kambag‘al va ishsiz fuqarolarni bandlikka jalb etish borasida amalga oshirilayotgan ishlar yuzasidan hisoboti o‘rganildi.

O‘rganish davomida Javshar ota mahallasida hokim yordamchisi bilan uchrashilib, mahallada aholi bandligini ta’minlash, kambag‘allikni qisqartirish, ishsiz fuqarolarni doimiy va vaqtincha ish o‘rinlariga jalb etish, shuningdek, fuqarolarni kasb-hunarga o‘qitish va daromad manbalarini yaratish borasida amalga oshirilayotgan ishlar yuzasidan tegishli ma’lumotlar o‘rganildi.