Yunusobod tumani Xalq deputatlari Kengashi deputati, tuman hokimi Abrorxo‘ja Saidaliyev “Turkiston”mahallasida bo‘lib, hududda “Obod mahalla” davlat dasturi doirasida amalga oshirilayotgan keng ko‘lamli bunyodkorlik va obodonlashtirish ishlari bilan yaqindan tanishdi.

Tashrif davomida mahallaning infratuzilmasini yaxshilash, ko‘chalarni tartibga keltirish hamda aholi uchun yanada qulay va shinam sharoitlarni yaratish borasida bajarilayotgan ishlar atroflicha ko‘zdan kechirildi.
O‘rganish jarayonida tuman hokimi tomonidan ishlarning sifatiga alohida e’tibor qaratish, belgilangan vazifalarni o‘z vaqtida va puxta bajarish hamda fuqarolardan kelib tushayotgan murojaatlarni tezkor hal etish yuzasidan mas’ul rahbarlarga qat’iy topshiriq va ko‘rsatmalar berildi.

✅ “Obod mahalla” dasturi doirasida amalga oshirilayotgan bunday ezgu ishlar har bir xonadonda tinchlik, qulaylik va farovon muhit yaratishga xizmat qilmoqda.