Buloqboshi tumanidagi 20-maktabida yangi o‘quv yili ko‘tarinki ruhda, bayramona shukuhda boshlandi. Ushbu quvonchli tadbirda 17-“Sharq Yulduzi” saylov okrugidan saylangan deputati Sh.Karimov ishtirok etib, o‘qituvchi va o‘quvchilarni yangi o‘quv yili boshlanishi bilan qutladi.
Tadbir davomida so‘z olgan deputat yurtimizda yoshlar ta’lim-tarbiyasiga, ularning zamonaviy ilm-fan cho‘qqilarini egallashiga qaratilayotgan yuksak e’tiborga alohida to‘xtalib o‘tdi. Shuningdek, maktab o‘quvchilariga o‘qishlarida ulkan zafarlar, azmu shijoat va qat’iyat tilab, o‘zining samimiy dildan chiqqan tilaklarini yo‘lladi.
Bilim dargohiga ilk bor qadam qo‘yayotgan birinchi sinf o‘quvchilariga alohida quvonch bag‘ishlagan ushbu bayram barchada unutilmas taassurot qoldirdi.
Yosh avlodning bilimli, yetuk va barkamol bo‘lib voyaga yetishi yo‘lidagi ezgu ishlar Sharq Yulduzi okrugida ham doimiy e’tibor markazida bo‘ladi.