Ta’lim muassasasida asfaltlash ishlari olib borildi

Xalq deputatlari tuman Kengashi deputati N.Abdurahimov tashabbusi bilan “Ta’lim to‘g‘risida”gi Qonun (O‘RQ-637, 23.09.2020-yil) hamda “Uzluksiz boshlang‘ich, o‘rta va o‘rta maxsus professional ta’lim tizimini tartibga soluvchi normativ-huquqiy hujjatlarni tasdiqlash to‘g‘risida”gi Vazirlar Mahkamasining 466-sonli qarori ijrosi yuzasidan amaliy ishlar olib borildi.

Jumladan, deputat Istiqlol mahallasida joylashgan 26-sonli umumta’lim maktabida bo‘lib, ta’lim muassasasining moddiy-texnik bazasini yaxshilash, o‘quvchilar uchun yanada qulay va xavfsiz sharoit yaratish maqsadida amalga oshirilayotgan ishlar bilan tanishdi.

Shuningdek, maktab hovlisini homiylik mablag‘lari hisobidan asfaltlash jarayonida ishtirok etib, bajarilayotgan ishlarning sifati va belgilangan talablarga muvofiqligiga e’tibor qaratdi.