Senat qo‘mitasi topshirig‘i ijrosi: deputat maktabdagi tadbirda ishtirok etdi

O‘zbekiston Respublikasi Oliy Majlisi Senatining Fan, ta’lim va sog‘liqni saqlash masalalari qo‘mitasining 2026-yil 28-avgustdagi 09-14/3538-sonli xatida belgilangan topshiriqlar ijrosi yuzasidan Xalq deputatlari Pop tuman Kengashi deputati Oʻ.Norboyev tumandagi 18-sonli umumiy o‘rta ta’lim maktabida boʻlib, yangi 2026/2027-o‘quv yilining boshlanishiga bag‘ishlangan “Birinchi qo‘ng‘iroq” tadbirida ishtirok etdi hamda o‘quvchilar va pedagoglar jamoasini yangi o‘quv yili bilan samimiy muborakbod etdi.

Shuningdek, deputat ishtirokida “Yagona Vatan, yagona xalq bo‘lib, yangi hayot va kelajak yaratamiz” shiori ostida tashkil etilgan “Mustaqillik” darsi o‘tkazildi.

Dars jarayonida o‘quvchilarga mustaqilligimizning 35 yilligida amalga oshirilayotgan islohotlar, yaratilayotgan imkoniyatlar hamda Vatanga sadoqat, milliy qadriyatlarga hurmat va daxldorlik tuyg‘usi haqida fikr-mulohazalar bildirildi.