Toshkent viloyatining tuman va shaharlarida obodonlashtirish sohasida mehnat qilayotgan xodimlarning 2–5-sinflarda tahsil olayotgan farzandlarini qo‘llab-quvvatlash maqsadida xayriya tadbirlari tashkil etilmoqda.Mazkur ezgu tashabbus Parkent tumanida ham davom ettirilib,obodonlashtirish sohasida faoliyat yuritayotgan xodimlarning farzandlariga yangi o‘quv yili munosabati bilan maktab sumkalari va zarur o‘quv qurollari topshirildi.Tadbirda Xalq deputatlari Toshkent viloyati Kengashi deputati, senator Maxmudjon To‘xtayevich Toirov, Xalq deputatlari Parkent tuman Kengashiga 23-“Nomdanak” saylov okrugidan saylangan deputat, tuman hokimi Po‘latov Elmurod To‘xtaboyevich hamda Xalq deputatlari Parkent tuman Kengashiga 14-“Cho‘qqayma”saylov okrugidan saylangan deputat, tuman Kengashi raisi Dadamatov Faxriddin Janobovich ishtirok etdi.Tadbir davomida bolajonlarga yangi o‘quv yilida muvaffaqiyatlar tilanib,sovg‘alar topshirildi.Farzandlarning ta’lim olishi, bilim va ko‘nikmalarini rivojlantirishi uchun yaratilayotgan imkoniyatlar haqida fikr almashildi.Bunday ezgu tashabbuslar yosh avlodni ta’lim olishga rag‘batlantirish bilan birga, obodonlashtirish sohasida mehnat qilayotgan oilalarga e’tibor va g‘amxo‘rlik ko‘rsatishning amaliy ifodasidir.Xalq deputatlari Parkent tuman Kengashi tomonidan aholi, xususan,yosh avlod manfaatlarini qo‘llab-quvvatlashga qaratilgan bunday ezgu tashabbuslar doimo qo‘llab-quvvatlanadi.