Xalq deputatlari Parkent tuman Kengashiga 8-“Istiqlol” saylov okrugidan saylangan deputat Ashurov Bahodir Muhammadaliyevich tomonidan saylov okrugi hududidagi “Yangiobod” mahallasining “Tutzor” ko‘chasida yashovchi aholi bilan ochiq muloqot o‘tkazildi.Uchrashuv davomida fuqarolarning murojaatlari tinglanib, hududdagi mavjud masalalar hamda ularni hal etish bo‘yicha takliflar muhokama qilindi.Xususan, fuqarolar tomonidan “Tutzor” ko‘chasini asfaltlashtirish masalasi ko‘tarildi. Bildirilgan murojaat va takliflar deputat tomonidan qayd etilib, masalani tegishli mutasaddi tashkilotlar bilan hamkorlikda o‘rganish va yechimini ta’minlash yuzasidan zarur choralar belgilandi. Shuningdek,masala bo‘yicha tegishli tashkilotga deputatlik so‘rovi yuborish hamda uning ijrosini nazoratga olish rejalashtirildi.Uchrashuv yakunida deputat aholi bilan bunday ochiq muloqotlarni muntazam davom ettirish, fuqarolar tomonidan bildirilayotgan murojaat va takliflarni o‘rganish hamda ularning amaliy yechimini ta’minlashga alohida e’tibor qaratishini ta’kidladi.