Xalq deputatlari Bag‘dod tumani Kengashining “15-Cho‘rindi” saylov okrugi deputati A.Sharipov hududiga kiruvchi “Cho‘rindi” mahalla fuqarolar yig‘inida Kengash Kotibiyati mudiri G‘.Abdullayev hamda tuman hokimining birinchi o‘rinbosari S.Qarabayev ishtirokida tadbirkorlar bilan uchrashuv va yig‘ilish o‘tkazildi.

➡️Yig‘ilishda hududda parandachilik yo‘nalishini rivojlantirish, yangi loyihalarni amalga oshirish, tadbirkorlik subyektlari faoliyatini kengaytirish hamda aholi bandligini ta’minlash masalalariga alohida e’tibor qaratildi.

➡️Xususan, mavjud imkoniyatlardan samarali foydalanish, zamonaviy parrandachilik xo‘jaliklarini tashkil etish, parranda sonini ko‘paytirish, mahsulot yetishtirish hajmini oshirish hamda ichki bozorni sifatli parranda go‘shti va tuxum mahsulotlari bilan ta’minlash borasida fikr-mulohazalar bildirildi.

➡️Shuningdek, tadbirkorlarning moliyaviy qo‘llab-quvvatlash, kredit mablag‘laridan foydalanish, yer va infratuzilma masalalari, elektr energiyasi hamda boshqa zarur shart-sharoitlar bilan bog‘liq taklif va murojaatlari tinglandi.

➡️Uchrashuv davomida tadbirkorlik tashabbuslarini qo‘llab-quvvatlash, aniqlangan muammolarni tegishli tashkilotlar bilan hamkorlikda bartaraf etish va hududda parrandachilikni rivojlantirish bo‘yicha amaliy chora-tadbirlarni belgilab olish yuzasidan kelishib olindi.